«Аякс» ва «Реал»га қарши ажойиб ўйин ўтказган «Валенсия» клуби, кутилмаганда, Ла лига жадвалида қуйи поғоналарни эгаллаб турган «Вальядолид»ни мағлуб эта олмади.

"Кўршапалаклар" 5та ўйиндан бери гол ура олмаётган рақибни нафақат мағлуб эта олишмади, балки ўзлари мағлубиятдан зўрға қутулиб қолишди.

Иккинчи бўлимда ташаббус мезбонлар томонида бўлди. Баҳс тугашига 7 дақиқа қолганида захирадан майдонга тушган Серхи Гвардиола рақиб дарвозасини ишғол қилди.

Иккинчи бўлимга қўшиб берилган 4-дақиқада эса Ферран Торрес томонидан етказилган узатмани Ману Вальехо дарвозага буриб қўйди.

"Валенсия" 2019 йилни Ла лига жадвалида 7-поғонада якунлаётган бўлса, "Вальядолид" 14-ўринни эгаллаб турибди.

Испания Ла лигаси, 18-тур
Вальядолид – Валенсия 1:1 (0:0, 1:1)
Голлар: 1:0 – 83 Гвардиола, 1:1 – 90+4 Вальехо.
Вальядолид – Масип, Антоньито, Оливас, Салису, Мойяно, Эрвиас (Плано, 71), Хоакин Фернандес, Сан-Эметерио, Тони Вилья (Ануар, 78), Сандро Рамирес (Гвардиола, 68), Унал.
Валенсия – Доменек, Васс, Гарай, Габриэл Паулиста, Гайя, Ферран Торрес, Парехо, Коклен, Солер (Эскердо, 86), Собрино (Черишев, 60), Родриго (Вальехо, 68).
Огоҳлантиришлар: Солер (34), Коклен (81), Парехо (90).