«Манчестер Сити» бош мураббийи Пеп Гвардиола АПЛнинг 18-тури доирасида «Лестер»га қарши ўйин (3:1) борасида ўз фикрини билдириб ўтди.

«Ўйинимиздан ҳайратдаман. Биз кўп голли вазиятларни яратдик ва зўр ўйнадик. Ҳужум қилишда давом этдик ва оддий ҳаракат қилдик. Ҳар бир ҳаракатни ақлбовар қилмас нарсага айлантиришни истамадик.

Бугунги ўйин «Арсенал»га қарши учрашувимизга нисбатан кўпроқ ёқди. Кевин де Брюйнега гап йўқ — бугунги ўйинни у бизга ютиб берди. Қўлостимда ўйнаётганидан бери у ажойиб ҳаракат қилмоқда. Унинг иштиёқи яхши таассурот қолдирмоқда. У ажойиб ўйинчи.

Мағлуб бўлсак — бу фожиа, ғалаба қозонсак — «Ливерпуль»га етиб олиш учун имкониятни сақлаб қоламиз. Ҳозир эса «Лестер»дан 1 очко ортда қолмоқда.

Мен шунчаки жамоа тўп билан ва тўпсиз қандай ҳаракат қилаётганини кўришни истайман. Биз ушбу мавсумда яхши ҳаракат қиляпмиз. Бугунгидек ҳаракат қилсак, ҳар қандай жамоа билан баҳслаша оламиз», – деди Пеп.