«Интер» ҳужумчиси Ромелу Лукаку «нерадзурри»га ўтишдан олдин «Ювентус» форварди Криштиану Роналду билан гаплашгани ҳақида айтиб ўтди.

«Интер»га ўтишдан олдин Криштиану Роналду билан гаплашдим. У эса менга: «А серия – жаҳондаги энг ҳимояси кучли лига», деб айтган эди. Криштианунинг сўзларига кўра, у қайси чемпионатда ўйнамасин, барча жойда гол урган, аммо буни Италияда амалга ошириш энг қийини. Агар Роналду шундай ўйласа, демак, бу тўғри», – деди Лукаку.

Роналду 2018 йилда «Реал»дан «Ювентус»га ўтди. Португалиялик футболчи бир ярим мавсум давомида 64та ўйинда майдонга тушиб, 40та гол урди. Лукаку эса Италия чемпионатига кўчиб ўтганидан кейин 22та баҳсда 14та гол урди.