Бугунги футбол оқшомидан сўнг, йилнинг энг яҳши футболчиларидан ташкил топган рамзий терма жамоадан ўрин олган Фарруҳ Сайфиевни суҳбатга тортдик.

Бу совринни қанчалар кутган эдингиз?

– Аввало Ассалому Алайкум. Барчани келаётган янги йил байрами билан табриклайман. Совринни қўлга киритишимни орзу қилган эдим ва бунга эришдим. Аввало ушбу ютуғимда жамоадошларимнинг ҳизматлари улкан. Фурсатдан фойдаланиб, жамоадошларим ва мураббийларимга ўз минаддорчилигимни билдирмоқчиман.

«Пахтакор»нинг ички биринчиликдаги муваффақиятли юриши нима билан боғлиқ?

Аввало кучли ва шакилланган жамоа бўлганимиз учун барча кубокларни ютиб олдик деб ҳисоблайман. Шунингдек, бу мавсумда омад ҳам тўлиқ биз томонимизда бўлди.

Нима деб ўйлайсиз, «Пахтакор» шу кўринишида ҳам ОЧЛ баҳсларида ғолибликка даъвогарлик қилиши мумкинми?

- Ўтган мавсумдаги ўйинларимизга эътибор берингда, биз Эрон чемпиони билан меҳмонда дуранг ўйнадик ва Тошкентда ғалаба қозондик. Саудия клубини ҳам Тошкентда мағлуб қилдик. Хавининг жамоаси билан қандай ўйин кўрсатганимизни барча кўрди. Меҳмондаги иккита учрашувда сўнгги дақиқаларда ўтказиб юборилган голлар эвазигагина гуруҳда қолиб кетдик. Бизга концентрация етишмади. Бу мавсумда ўтган сафарги хатоларга йўл қўймасак, гуруҳдан чиқишимиз учун имкон бор.

Жамоа ички биринчиликда требл қайд этгач, халқаро учрашувларда яҳшироқ натижа кўрсатишга мажбур. Бу фикримга қўшиласизми?

- Қайсидир маънода қўшиламан. Эндиликда юртимиз шарафини муносиб ҳимоя қилиш вазифаси зиммамизда турибди. Шундай бўлсада, треблнинг ўзига ҳос плюс томонлари ҳам мавжуд. Бу жамоамиз футболчиларининг ўз кучига бўлган ишончининг янада ошишига ҳизмат қилади. Шундай экан, келаси мавсум ОЧЛ баҳсларида юртимиз шарафини муносиб ҳимоя қилишга ҳаракат қиламиз.