Трансфер оламидаги янгиликлар
Ушбу рукнимиздаги энг сўнгги янгиликлар билан таништиришда давом этамиз.
“Барселона” албаниялик футболчига қизиқиб қолди
Католониянинг “Барселона” жамоаси 22 ёшлик “Албасате” ҳужумчиси Рей Манайни кузатишни бошлади. “Жисмонан бақувват ва тезкор ҳужумчи Католония клуби томонидан қишки трансфер ойнаси чоғида сотиб олинади” деб хабар тарқатмоқда “Tribalfootball” нашри.
Унга кўра, ҳужумчи жамоани тарк этиши кутилаётган Абел Руиснинг ўринини айнан албаниялик ҳужумчи билан тўлдиришни режалаштирмоқда.
Eслатиб ўтамиз, Рей ушбу мавсумни Испаниянинг иккинчи двизиони саналувчи “Сегунда”да ўтказмоқда. Ҳозирча қаҳрамонимиз 9 та учрашувда майдонга тушди ва иккита голни ўз ҳисобига ёзиб қўйди.
“Рома” аргентиналик юлдузчани харид қилмоқчи
Римнинг “Рома” жамоаси сифатли марказий ҳимоячи қидиришда давом этмоқда.
ТМWнашри берган ахборотга кўра, клуб нишонида Аргентинанинг “Тальерес»жамоаси ҳимоячиси Фекундо Медина турибди.
Қайд этиб ўтиш коиз, Медина Жанубий Американинг бир нечта нашрлари томонидан бир неча бор қитъанинг энг иқтидорли футболчиси деб эътироф этиб келинмоқда.“Бўрилар” ҳимоячи учун курашишларига тўғри келади. Айни дамда Фекундо учун улардан ташқари “Бенфика” ва “Атлетико Мадрид” жамоалари ҳам қизиқиш билдирган.
Eслатиб ўтамиз, 20 ёшли ҳимоячи ушбу мавсумда 13 та учрашувда майдога тушди ва бирорта гол киритишни уддалай олмади.
ПСЖ “Ювентус”нинг таклифини рад этди
Туриннинг “Ювентус” жамоаси ПСЖ клуби ярим ҳимоячи Леандро Паредес борасидаги юборилган биринчи таклифга рад жавобини олди.
Таклифга кўра, “Юве” аргентинлик футболчини Эмре Жанга ҳеч қандай қўшимча пулларсиз алмаштирмоқчи эди. Парижликлар ўз футболчисини Эмре Жанга алмаштиришга рози бўлишди, фақат қўшимча 15 миллион эврони қўлга киритишсагина. Турин клуби ПСЖнинг жавоб таклифига реакция билдирганича йўқ.
Eслатиб ўтамиз, Парижликлар аргентиналик футболчини шу йилнинг январ ойида Россиянинг “Зенит” клубидан 47 миллион евро эвазига харид қилишган эди.
Педро ортга қайтмоқчи
Лондонинг “Челси” клуби футболчиси Педро ўз келажаги борасидаги фикр ва мулоҳазалари билан ўртоқлашиб ўтди.
Агарда “Барселона” мени ўзига чорласа, ҳаммасини ташлаб ортга қайтишга тайёрман. Мавсум бошида Католонияга қайтиш имконим бор эди, бироқ вазият қолишимни тақозоси билан Лондонда қолдим.
“Ҳозирча барчаси қандай кўриниш олишини биламайман. Менинг “Челси” билан тузилган шартномам йил якунида ўз якунига етади. “Вест Ҳем”? Билмадим. Шуниси маълумки, мен ўз фаолиятимдан завқ оляпман ва футбол ўйнаш иштиёқимни йўқотганимча йўқ” – дея футболчининг сўзларидан иқтибос келтирмоқда Марcа нашри.
“Наполи” Хосе Кальехонга ўринбосар топди
Италиянинг “Наполи” клуби ёзда жамоани тарк этиши кутилаётган Хосе Кальехоннинг ўрнини Хитойнинг «Далянь-Ифан» жамоасида тўп сураётган Янник Ферейра Караско билан тўлдирмоқчи.
“Calciomercato” нашри берган маълумотларга кўра, “Наполи” спорт директори Кристиано Джунтоли бир неча бор футболчининг агенти билан алоқага чиққан. Айни дамда белгиялик футболчининг ҳизматлатларига Лондоннинг “Арсенал” жамоаси ҳам қизиқиш билдирмоқда.
Eслатиб ўтамиз, Караско Хитой биринчилигининг 25 та ўйинида иштирок этди ва ўз ҳисобига 17 та гол ёзиб қўйди. Шунингдек, 7 голли узатма беришга ҳам муваффақ бўлди.
