«Манчестер Сити» бош мураббийи Пеп Гвардиола «Вулверхэмптон»га қарши ўйиндан кейин АПЛда чемпионлик имконияти ҳақида гапирди.

«80 дақиқа давомида бир киши кам бўлиб ўйнаш жуда қийин. Биз ҳисобни ушлаб қола олмадик. Кейинги ўйин ҳақида, уларда қандай ғалаба қозониш ҳақида ўйлаш керак. «Ливерпуль»га етиб олиш ҳақида ўйлаш реал ҳолат эмас. 48 соатдан кейин навбатдаги ўйин кутиб турибди.

Ўйин сўнгида ҳимоялана олмадик, рақиб эса сўнгги дақиқага қадар ақлбовар қилмас даражада жанг қилди. Голлардан қутулиб қолишимиз мумкин эди.

Футболчиларимда афсусланиш ҳиссиёти йўқ. Улар ҳисобни ушлаб қолиш учун қўлдан келган барча ишни қилишди».

VAR ҳақида
«Мен кўрмадим. Яхшиси VAR ҳақида гапирмаган маъқул».

«Ливерпуль» билан орадаги фарқ ҳақида
«Улар анча олислаб кетишди. Чемпионлик пойгаси ҳақида гапиришдан маъно йўқ. Менга анчадан бери бу саволни бериб келишади. Жавобим эса ўша-ўша», – деди Гвардиола.