"Ювентус" ҳужумчиси Криштиану Роналду ўзининг футболчиликдаги сирлари, ҳаёт тарзи ва ўғли ҳақида гапириб берди.

"Футболдаги узоқ "умр" сири ҳаёт тарзида. Барча нарса — иш, дам олиш, фарзандлар, овқатланиш учун вақт топиш керак. Кун эса 24 соатдан иборат. Ҳаттоки таътилда ҳам нима учун ўзим учун 3 соат ажратмаслигим керак?

Амбиция сендаги бор имкониятларни очиб беради. Лекин энг асосийси — кучли ҳис-туйғу, катта иштиёқ билан ишлаш, ўз ишингни яхши кўриш ва мотивацияни ҳис қилиш. Ёшликдаги ва 34 ёшдаги мотивация бир хил бўладими, деб сўрашганида, мен ўйинларда мотивация ҳамиша юқори бўлади, деб жавоб бераман. Лекин янада муҳими, сен уларга қай тариқа тайёргарлик кўришингда.

Мен ўз оиламга, айниқса ўғлим Криштиануга намуна бўлишим керак. Баъзида у менга босим ўтказади. "Ота, яна бир неча йил футбол ўйнаб тур, сен билан бир жамоада ўйнашни истайман", - дейди. Лекин буни амалга ошириш жуда қийин бўлади. Ҳозирча эса футболдан завқланяпман", – деди Роналду.

Эслатиб ўтамиз, Криштиану Роналду Италия чемпионатининг ушбу мавсумида 14та ўйинда майдонга тушиб, уларда 10та гол урди.