Англия чемпионатининг 20-тури доирасида «Ливерпуль» ўз майдонида «Вулверхэмптон»ни қабул қилиб, осон бўлмаган ғалабани қўлга киритди.

Мерсисайдликлар учрашувни анча фол бошлашди. Биринчи бўлимда Салоҳ ва Мане яқин масофалардан дарвозага аниқ зарба бера олишмади.

Тайм сўнгида эса VAR томонидан кўриб чиқилган иккита вазият рўй берди. Ван Дейк майдон марказидан ҳаволатиб рақиб жарима майдони томон узатма берди. Лаллана эса елкаси билан Мане томон узатма берди. Садио яқин масофадан дарвозани ишғол қилди. Тўп ҳақиқатан ҳам Адамнинг қўли эмас, елкасига текканини ва узатма берилаётганда Мане офсайдда эмаслигини VAR аниқлади.

Биринчи бўлимга қўшиб берилган дақиқаларда эса "бўрилар" ҳисобни тенглаштирувчи голни уришди. Аммо "Вулверхэмптон" футболчиси қандайдир миллиметр офсайдда бўлгани туфайли гол бекор қилинди.

Иккинчи бўлимда тўп назорати, ҳужумлар сони бўйича устунлик Клопп шогирдлари томонида бўлди. Аммо бир тўп фарқи қалтис ҳисоб эканини мерсисайдликлар яхши ҳис қилиб туришди. "Бўрилар"нинг зарбалари хавфли бўлди, аммо уларга аниқлик етишмади.

Ўйиннинг бориши ва ҳисобга олинмаган голни инобатга олганда, "Вулверхэмптон" бугун дурангга лойиқ эди. Аммо "Ливерпуль" муҳим ғалабани қўлга киритиб, ўз очколарини 55тага етказиб олди.

Англия премьер-лигаси, 20-тур
Ливерпуль – Вулверхэмптон 1:0 (1:0, 0:0)
Гол: 1:0 – 42 Мане.
Ливерпуль – Алиссон, ван Дейк, Робертсон, Гомес, Александер-Арнолд, Хендерсон, Вейналдум (Милнер, 86), Лаллана (Кейта, 67), Мане, Салоҳ, Фирмино (Ориги, 86).
Вулверхэмптон – Руй Патрисиу, Кастро, Беннетт, Килмен, Рубен Винагре, Дендонкер (Траоре, 58), Моутинью, Нету, Рубен Невеш (Саисс, 58), Коуди, Диогу Жота (Хименес, 72).
Огоҳлантириш: Лаллана (45).