“Реал” посбони Тибо Куртуа Янги йил арафасида “beIN Sports” журналистларига қисқа интервью берди.

–Иқтидорингнинг сири нимада?

–Ростини айтсам, мен “PlayStation”да “Формула-1” симуляторини яхши ўйнайман.

–Агар футболчи бўлмаганингда, ҳозир қайси касбда ишлаётган бўлардинг?

–Менинг онам – физиотерапевт, менга ҳам бу касб ёқади. Агар футбол билан шуғулланмаганимда жисмоний тарбия ўқитувчиси бўлардим.

– Ўтган ўн йилликдаги энг эсда қоларли хотиранг...

–2017 йилда “Пэтриотс ва“Атлантой”ўртасидаги ўйинга, Супербоулга ташриф буюрдим. Бундай шоу – мен томоша қилишни истайдиган шоулардан биридир.

–“Реал” учун ўйнаш – бу қандай ҳиссиёт?

–Ақл бовар қилмас даражадаги ҳиссиёт. Ҳар сафар “қироллик клуби” учун ўйнаганимда буни ҳис қиламан. Бундай пайтда ўзимга ўзим шундай дейман: “Сен ростдан ҳам шу ердасан, дунёнинг энг кучли клуби учун ўйнаяпсан”. Бу болаликдаги орзуйим эди.

–Сенга берилган энг яхши совға?

–Шак-шубҳасиз, фарзандларим. Улар мен учун жуда қадрли.

–2020 йилдаги мақсадинг?

–“Реал” билан совринлар ютишни истайман. Бельгия термаси сафида “Евро-2020”да ғолиб бўлиш ниятим бор. Ўйлайманки, кейинги йили ҳаммаси мен учун бахтли якун топади.