“Ливерпуль” устози "Вулверхэмптон"га қарши учрашувданг сўнг кичик интервью бериб ўтди.

Юрген 2019-йил сиз учун қандай ўтди ва нималар билан ёдингизда қолди?

 Биласизми, биз аллақачон катта йўлни босиб ўтдик. Эндиликда эса, мендан барча 2019-йил қандай бўлгани ҳақида сўрамоқда. Бу ажойиб йил бўлди, лекин бунинг ҳеч қандай аҳамияти йўқ. Футболда муҳими мавсумнинг қандай ўтиши. Календарнинг ўзгариши ҳеч нарсани англатмайди. Боз устига 2019/20 йилги мавсум ҳали ўз якунига етгани йўқ. Боз устига олдимизда 18 ёки 19 та ўйин кутиб турибди. Умуман олганда олдимизда ўйинлар кўп. Катта эҳтимол билан бу учрашувларнинг аксарияти қийин ўтиши аниқ. Бунга асосли сабаблар мавжуд. Сўнгги турларга келиб рақибларимизнинг аксарияти бизга қарши учрашувларда ҳимояда ҳаракат қилишади ва шу йўсинда EЧЛ ва ЙЛ мусобақаси йўлланмаси учун кураш олиб боришади. Шундай экан, биз бор эътиборимизни бир жойга жамлаганча курашга тайёр бўлишимиз керак.

Мавсум сўнггида биз декабрда қанча очко ишлаганимиз ҳеч кимни қизиқтирмайди. Мавсумнинг биринчи қисмидан сўнг турнир жадвалидаги ўрнимизни ушлаб қолиш бориасида ишлаймиз.

Юрген Садио Мане ёки Муҳаммад Салаҳ келаси ҳафта Африканинг энг яхши футболчиси номини қўлга киритиши мумкин. Улардан қай бирига овоз берган бўлар эдингиз?

Бу ерда ҳаммаси оддий. Уларнинг иккисининг ҳам ўйини менга ёқади. Садио ва Салаҳнинг иккисига ҳам бу совринни топширган бўлар эдим, бироқ буни биз ҳал этмаймиз. Менинг шахсий фикрим иккита футболчи ҳам бу совринга лойиқ. Асосийси соврин эмас, асосийси футболчининг ўзига бўлган ишончининг ортиши! Мана гап нимада. Агарда йигитлар ўзлари нимага қодир эканлигини чуққуроқ ҳис этишса, майдонда икки ҳисса ишонч билан ҳаракатланишлари мумкин. Бу борада уларнинг иккисидан ҳам кўнглим тўқ. Қай бири қитъанинг энг яхши футболчиси бўлишидан қатъий назар биз улар учун хурсандмиз.