«Арсенал» бош мураббийи Микель Артета Англия чемпионатининг 21-тури доирасида бўлиб ўтган «Манчестер Юнайтед»га қарши ўйин (2:0) борасида ўз фикрларини билдириб ўтди.

«Ҳиссиётлар ажойибу ғаройиб. Мен жуда бахтлиман ва футболчиларнинг бугун кўрсатган ўйинидан фахрланаман.

Биринчи бўлим иккинчисига нисбатан анча яхши бўлди. Режаларимиз яхши иш берди. Ўйиндаги интригани эртароқ ўлдириш учун имкониятларга эга бўлдик. Танаффусдан кейин жисмоний томонлама пасайдик. Лекин жонбозлик ва иштиёқ юқори даражада бўлди.

Ўйин бошиданоқ ўзгача муҳитни ҳис қилган эдим. Мухлисларга миннатдорчилик билдираман, уларга бизга ҳақиқатан ҳам керак. Ишқибозлар биз билан бўлишса, ўйинчилар яхшироқ ҳаракат қилишади. Умид қиламан, бугун биз уларга қандайдир фахр туйғусини бера олдик.

Ўйинимиз яхшиланиб бормоқда. Бугун ғалаба қозонишни жуда истагандик ва буни амалга оширдик», – деди Артета.