Иккинчи ўн йиллигимизни Роналду ва Месси эраси сифатида эслаб қоламиз, аммо жаҳон футболида бир сиймо борки, унинг футболга қўшган ҳиссаси бошқа томонлама уникум. Иккинчи ўн йиллик эмас, ҳатто биринчи ўн йиллик эмас, ўтган асрнинг охирида -- 1999 йили профессионал футболчилигини бошлаган Златан Иброҳимович учинчи ўн йилликда ҳам футбол ўйнамоқда!
Ўйнаётганида ҳам қандайдир Қатар клубида эмас, Хитой чемпионатида эмас, "Милан" таркибида!
Қизиғи, Златанни номига ўйнатиш учун олиб келишмади, "Милан"ни қутқариш учун олиб келишди. Ўйлаяпсизми, 1981 йилда туғилган "амаки"га нисбатан ҳамон "қутқарувчи" деган ном ишлатиляпти.
Унга Пиоли алоҳида тактика ўйлаб ўтирмаяпти. 4-3-3 схемаси бўйича қолишини айтган. Златан эса, ҳали Миланга келмаган пайтидаёқ “ўйинда жамоа менинг схемамга тушиб олаверади”, деди.
Кутилган трансфер содир бўлди. Милан Златанда, э, узр, Златан Миланда!
У жамоада 21-рақамда ўйнайди. 21-асрдаги юлдуз менман, дегани бўлса керак?!
