Ikkinchi o‘n yilligimizni Ronaldu va Messi erasi sifatida eslab qolamiz, ammo jahon futbolida bir siymo borki, uning futbolga qo‘shgan hissasi boshqa tomonlama unikum. Ikkinchi o‘n yillik emas, hatto birinchi o‘n yillik emas, o‘tgan asrning oxirida -- 1999 yili professional futbolchiligini boshlagan Zlatan Ibrohimovich uchinchi o‘n yillikda ham futbol o‘ynamoqda!
O‘ynayotganida ham qandaydir Qatar klubida emas, Xitoy chempionatida emas, "Milan" tarkibida!
Qizig‘i, Zlatanni nomiga o‘ynatish uchun olib kelishmadi, "Milan"ni qutqarish uchun olib kelishdi. O‘ylayapsizmi, 1981 yilda tug‘ilgan "amaki"ga nisbatan hamon "qutqaruvchi" degan nom ishlatilyapti.
Unga Pioli alohida taktika o‘ylab o‘tirmayapti. 4-3-3 sxemasi bo‘yicha qolishini aytgan. Zlatan esa, hali Milanga kelmagan paytidayoq “o‘yinda jamoa mening sxemamga tushib olaveradi”, dedi.
Kutilgan transfer sodir bo‘ldi. Milan Zlatanda, e, uzr, Zlatan Milanda!
U jamoada 21-raqamda o‘ynaydi. 21-asrdagi yulduz menman, degani bo‘lsa kerak?!
