Янги мавсум “Локо” учун бирмунча эрта бошланади. “Темирйўлчилар” 21-январ куни ОЧЛ плей-офф босқичи доирасида Тожикистон чемпиони “Истиқлол”ни қабул қилишади.

Осиё чемпионлар лигаси, умуман янги мавсумга жиддий тайёргарлик кўриш мақсадида жамоа бугун БАА пойхати Абу Дабига йўл оляпти. 3-январдан бошланадиган йиғин 15-январга қадар давом этади. Бу вақт оралиғида “темирйўлчилар” иккита ўртоқлик учрашуви ўтказишади.

Ўртоқлик ўйинлари Шотландиянинг “Глазго Рейнжерс” ҳамда Хитойнинг “Жиангсу Сунинг” клубларига қарши бўлиб ўтади.

“Локомотив”нинг хориж йиғинига йўл олаётган таркиби:

Дарвозабонлар - Игнатий Нестеров, Жавоҳир Илёсов, Рустам Нартажиев.

Ҳимоячилар - Олег Зотеев, Даврон Ҳошимов, Фаррух Иброҳимов, Шуҳрат Муҳаммадиев, Жалолиддин Жумабоев, Дилшод Комилов.

Ярим ҳимоячилар - Жамшид Искандеров, Авазбек Ўлмасалиев, Диёр Туропов, Сардор Мирзаев, Кахи Махарадзе, Жавоҳир Алижонов, Камрон Саидазимов, Бек Абдуллаев, Даврон Умиров, Сарвар Шоаҳмедов.

Ҳужумчилар - Асадбек Эргашев, Абдулазиз Юсупов, Иброҳим Ғанихонов, Марат Бикмаев.

Маъумот учун, Юсупов ўтган мавсумни "Сурхон"да ўтказган. Футболчи 8та гол билан жамоанинг тўпурарига айланган эди.