Yangi mavsum “Loko” uchun birmuncha erta boshlanadi. “Temiryo‘lchilar” 21-yanvar kuni OCHL pley-off bosqichi doirasida Tojikiston chempioni “Istiqlol”ni qabul qilishadi.
Osiyo chempionlar ligasi, umuman yangi mavsumga jiddiy tayyorgarlik ko‘rish maqsadida jamoa bugun BAA poyxati Abu Dabiga yo‘l olyapti. 3-yanvardan boshlanadigan yig‘in 15-yanvarga qadar davom etadi. Bu vaqt oralig‘ida “temiryo‘lchilar” ikkita o‘rtoqlik uchrashuvi o‘tkazishadi.
O‘rtoqlik o‘yinlari Shotlandiyaning “Glazgo Reynjers” hamda Xitoyning “Jiangsu Suning” klublariga qarshi bo‘lib o‘tadi.
“Lokomotiv”ning xorij yig‘iniga yo‘l olayotgan tarkibi:
Darvozabonlar - Ignatiy Nesterov, Javohir Ilyosov, Rustam Nartajiyev.
Himoyachilar - Oleg Zoteev, Davron Hoshimov, Farrux Ibrohimov, Shuhrat Muhammadiyev, Jaloliddin Jumaboyev, Dilshod Komilov.
Yarim himoyachilar - Jamshid Iskanderov, Avazbek O‘lmasaliyev, Diyor Turopov, Sardor Mirzayev, Kaxi Maxaradze, Javohir Alijonov, Kamron Saidazimov, Bek Abdullayev, Davron Umirov, Sarvar Shoahmedov.
Hujumchilar - Asadbek Ergashev, Abdulaziz Yusupov, Ibrohim G‘anixonov, Marat Bikmayev.
Ma’umot uchun, Yusupov o‘tgan mavsumni "Surxon"da o‘tkazgan. Futbolchi 8ta gol bilan jamoaning to‘purariga aylangan edi.
