Икки ҳафталик танаффусдан кейин Испания чемпионатида бугун иккинчи давра ўйинлари бошланади. Эртага эса "Реал" сафарда "Хетафе"га қарши баҳс олиб боради.
"Қироллик клуби" бош мураббийи Зайниддин Зидан ушбу ўйин учун 19 нафар футболчини қайдномага киритди.
Кутилганидек, Эден Азар эртанги учрашувни ҳамда, мураббийнинг таъкидлашича, Испания суперкубогининг ярим финалини ҳам ўтказиб юборади. Лукас Васкес, Хамес Родригес ва Марсело жароҳатдан фориғ бўлган бўлсаларда, эҳтиёт юзасидан Зидан уларни таркибга киритмади. Шунингдек, жамоани тарк этиши кутилаётган Мариано ва Браим Диаслар ҳам рўйхатдан четда қолишди.
«Реал»нинг «Хетафе»га қарши ўйин учун кенгайтирилган таркиби:
Дарвозабонлар: Тибо Куртуа, Ареола Алфонс, Диего Алтубе;
Ҳимоячилар: Даниел Карвахаль, Эдер Милитао, Рафаел Варан, Начо, Одриосола, Менди;
Ярим ҳимоячилар: Тони Кроос, Лука Модрич, Каземиро, Федерико Вальверде, Иско;
Ҳужумчилар: Карим Бензема, Гарет Бэйл, Лука Йович, Винисиус Жуниор, Родриго