«Интер» клуби 2020 йилда етти нафар футболчини сотмоқчи. Бу ҳақда Tuttosport газетаси хабар тарқатди.
Манбага кўра, миланликлар қишки ва ёзги трансфер пайтида футболчи сотиб, 150 миллион евро даромад олишни кўзлашмоқда.
«Интер» Дальберт, Ража Наингголан, Жоау Мариу, Иван Перишич, Мауро Икарди, Маттео Политано ва Габриэл Барбоза билан хайрлашмоқчи.
Италия чемпионатининг 17-туридан кейин Антонио Конте жамоаси 42 очко тўплаган ҳолда "Ювентус" билан қўшпешқадам бўлиб турибди.