Португалиялик футболчи яқиндагина ўз келажаги борасида кўпчиликни қизиқитирган саволларга жавоб бериб ўтди. Ушбу интервьюни эътиборингизга ҳавола этамиз.
Сен яратган CR7 бренди бутун дунёда кенг оммалашганидан хабаримиз бор. Бу бренднинг жаҳон бозорида ўз ўрнини эгаллаб бораётгани сен учун қанчалар муҳим?
Айни дамда менинг дунёйим бу футбол! Албатта, унинг ташқарисидаги бўлаётган воқеалар ҳам муҳим. Эндликда мен ишбилармонман. Ўзингни бошқа соҳаларда ҳам ривожланаётганингни сезиш ёқимли холат. Инсонлар менга бошқа томондан ҳам баҳо беришлари мумкин ва бу мен учун ёқимли холат. Шундай бўлсада, брендимнинг нақадар таниқли бўлиши мен учун муҳим эмас. Энг муҳими футбол бўлиб қолаверади. Менимча турли машғулотларимни оддий қабул қилишлари шарт, сабаби мен ўзгарганим йўқ ва ўша-ўшалигимча қолганман. Футбол ва бизнесни қориштириб юбормаслик лозим. Ўзимни турли йўналишларда синаб кўришим мумкин, бироқ қандай бўлсам шундайлигимча қолавераман. Тўғрироқ қилиб атсам мен футболчиман ва мени футболчи деб қабул қилишларини истайман.
Танлаш керак бўлса, ЕЧЛ ғолиблигини танлармидинг ёки “А серия”да чемпион бўлишними?
Биласанми, бу умуман бошқа-бошқа нарсалар. Хатто бу мусобақалар талаб этадиган руҳий тайёргарлик ҳам умуман ўзгача. Терма жамоалар миқиёсидаги мусобақларни инобатга олмасак, ЕЧЛ дунёдаги энг муҳим мусобақага айланади. Очиғи мен бу мусобақани жуда яхши кўраман. Менга “А Серия” ҳам ёқади, бироқ танлаш керак бўлса ЕЧЛ ғолиблигини танлаган бўлар эдим.
“А серия”нинг энг яхши футболчиси ким?
Хабарингиз бўлган бўлса, “А Серия”нинг энг яхши футболчисига бериладиган совринни қўлга киритидим. Демак, ҳозирча ушбу мусобақадаги энг яхши футболчи менман. Келаси мавсумда бу соврин кимга насиб этишини билмайман, бироқ унинг бу мавсумдаги эгаси мен бўлиб турибман. Бу чемпионатда кўплаб ажойиб футболчилар тўп суради. Уларнинг аксарияти билан бир жамоада тўп суриб келяпман. Шундай экан, номзодлар ертарлича топилади.
Аввалги Криштияну билан ҳозиргиси ўртасида қандай фарқ мавжуд?
Сен футбол ўйнашни энди бошлаган пайтларининг уни тамомила ўзгача қабул қиласан. Худди майдонга бошқа нуқтадан кўз ташлагандек ҳис пайдо бўлади. Орадан йиллар ўртган бўлсада, мен мотивацияни сақлаб қолишга муваффақ бўлдим. Улғайгач, тинмай совринлар ютиш ва юқори даражада футбол ўйнаш ҳақида бош қотиришга мажбур бўласан. Сабаби, катталашганинг сари сендаги футбол олдидаги маъсулият ҳам катталашиб боради. Ўспирин чоғингда сенда бундай босимлар бўлмайди. Шунчаки майдонга чиқасан ва ҳакамнинг ҳуштагига қадар ўйиндан лаззат олишга ҳаракат қиласан. Айни дамда менда ҳеч қандай муаммо йўқ ва янғи ғалабаларга чанқоқман.
Голни нишонлаш услубинг ҳақида тўхталиб ўтсанг?
Мен Мадриднинг “Реал” жамоасида тўп сурган чоғларим биз гол киритсак, бурун стадион “СИ” деб бизни олқишлар эди. Бу испанчадан ҳа дегани. Ёдимда бор, мавсум олди мусобақалардан бирида АҚШда “Челси” билан тўқнаш келдик. Мен гол киритдим ва ўзим билмаган холда уни нишонладим. Кейинчалик мендан бундай нишонлашни қанча машқ қилганим ҳақида сўрашди. Очиғи барчаси табиий бўлгани учун нима дейишни ҳам билмай қолдим. Барчаси ўз-ўзидан амалга ошди. Ўша учрашувдан сўнг, голни нишонлаш услубим машхур бўлиб кетди ва мен уни гол киритганимда қайтара бошладим.
Ўз фаолият давомида кўплаб афсонавий мураббийлар билан турли вазиятларда ишлашлагансан. Уларнинг қай биридан кўпроқ минаддорсан?
Агар улардан бирини айтсам адолатдан бўлмайди. Сабаби, уларнинг ҳар бири менга таъсир ўтказа олган. Уларнинг барчаси ўзгача мураббийлар ва уларнинг ҳар биридан ниманидир ўрганганман. Мен билан ишлаган барча мураббийларнинг фаолиятимда тутган ўрни беқиёс.
Келажакда мураббий бўлишни истайсанми?
Менимча мураббий бўлмасам керак. Шундай бўлсада, ҳозир шундай деяпман. Келажакда уйда ўтириб футболни соғинсам, фикрим ўзгариб қолиши ҳеч гап эмас. Барчаси қандай кўриниш олишини билмайман, бироқ айни дамда мураббийлик курсалрига ўқиш ниятим йўқ.
Фаолиятинг давомида қўлга киритган энг катта соврин?
Мен кариерам давомида кўплаб совринларга эга чиққанман. Шундай бўлсада, улар орасида 2016-йилдаги Европа чемпионлигини алоҳида қайд этган бўлар эдим. Бу ҳаётим давомида қўлга кириитган энг катта ютуғим ва совриним бўлиб қолади.
Финал ўйини сен учун жуда ҳаяжонли ўтган эди. Мураббийга ёрдам берган эдин?!
Ҳа эсимда, ўша учрашувни оёғимда кучли оғриқ билан томоша қилган эдим. Баъзан оғриқ шу даражага кўтарилар эдики, кўзларимдан ёш чиқиб кетар, оғриқ қолдирирувчи воситалардан тинимсиз фойдаланар эдим. Майдонда эса, жамоадошларим мен учун ҳам жанг қилишда давом этар, уларнинг мардонавор ҳаракатларини кўриб таъсирланиб кетар эдим. Ўйин сўнггига яқин ўтира олмай қолдим. Мураббийнинг олдига бориб унга ёрдам беришга тушиб кетдим. Биласизми, сўнгги сонияларда оғриқ ва хурсандчилик қўшилиб кетди. Мен бир зум йиғлайман ва дарров куламан. Қисқаси ҳамма-ҳаммаси қўшилиб кетди. Финал ҳуштагидан сўнггина руҳан чарчаганимни ҳис этдим. Мен ҳаётда сира ичмайман, бироқ ўша куни бир бокал шампан виносидан ичган эдим. Тўғриси роса бошим айланган (кулади). Ўша учрашув менинг ҳаётимдаги энг муҳим куни ва энг муҳим совринни менга тақдим этгани билан ёдимда қолган.
Сен кириган энг чиройли гол?!
Мен ўз фаолиятим давомида энг чиройли голни Туринда Буффон қўрилаётган дарвозага киритганман деб ҳисоблайман. Ёдимда бор, кучли рақибга қарши меҳмонда кечаётган учрашувда қайчи услубида киритган эдим. Бу гол мен учун доиммо биринчи ўринда бўлиб қолади. Чиройли стадион, ЕЧЛ плай-офф ўйини, муносиб рақиблар тўқнашуви, голга мухлисларнинг реакцияси, барча-барчаси ажойиб ўтган кеча эди.
