Сўнгги йилларда футболчилар ўртасида “олтин тўп” совринга бўлган ҳарислик тобора ошиб бормоқда. Таниқли “FranceFootball” нашри бу совринни қўлга киритиш учун номзодларни узоқ саралаб кейим омма эътиборига тақдим этишидан хабарингиз бор. Энг қизиғи шундаки, ўтган аср сўнгги ва янги аср бошида кўплаб биз учун нотаниш бўлган футболчилар ушбу соврин учун номинантлар қаторида бўлишган ва баъзи юлдузларни ортда қолдиришга ҳам муваффақ бўлган экан. Бугун ана шундай номалум,бироқ “олтин тўп”га даъвогарлик қилган футболчилар ҳақида сўз боради.
Трифон Иванов
Болгария футболининг ёрқин намоёндалариданбири сифатида тарихда қолган Трифон ҳимоядаги аёвсиз ўйинлари билан қисқа муддатга бўлсадабарчани ўзига қарата олган эди. Қаҳрамонимиз бирорта совринни қўлга киритмай туриб ҳам ўз имиджини ярата олган футболчилардан бир десак, адашмган бўламиз. У ҳеч қачон топ клубларда ўйнамаган бўлсада, терма жамоа либосини кийиши билан ўтиб бўлмас қояга айланар эди. 1996-йилда бўлиб ўтган Европа чемпионати Иванов шу қадар яхши таассурот қолдирдики, унинг исми “олтин тўп” соврини учун даъвогарлар қаторида пайдо бўлди. Якуний сўровномадан сўнг маълум бўлишича, Иванов Фигу ва Зидандан икки баробар кўпроқ овоз тўплашга муваффақ бўлган экан.
Томас Бролин
Томас Англиянинг “Лидс Юнайтед” жамоасига ўтгунунига қадар Европанинг энг иқтидорли футболчиларидан бири ҳисобланар эди. 1994-йилда бўлиб ўтган Жаҳон чемпионатида “Шветция” билан брозна медалларга эга чиққан қаҳрамонимиз “Парма” сафида кубог эгалари кубогини ҳамбоши узра кўтаришга мувоффақ бўлади. Йил сўнггида эса, “олтин тўп” учун курашда кўплаб мега юлдузларни ортда қолдирганча 4-поғонани забт этади. Бундай ўсишдан сўнг футбол мутахассислари Томаснинг келажаги порлоқ эканлигини башорат қилган бўлсада, барчаси тамомила ўзгача кўриниш олади. АПЛни забт этиш учун ташриф буюрган ҳужумчи жароҳати боис бир неча ойни ўтказиб юборади ва ортиқча вазн муаммосига ўралашиб қолади. Бундан ташқари, Туманли албионнинг курашларга бой тўқнашувлари Бролинни футболдан эрта совуб кетишига сабаб бўлади. Жамоа машғулотларига ҳам келмай қўйган футболчи билан “Лидс” шартномани бекор қилишдан бошқа чора топа олмай қолади. Шветциялик футболчи ўз фаолиятини тиклаш мақсадида кўплаб клублар сафида тўп сурган бўлсада, барчаси омадсизлик билан якунланди. “олтин тўп”га даъвогарлик ҳақида-ку, гапирмаса ҳам бўлади.
Eммануэль Олисадебе
Нигериялик футболчининг фаолиятида кескин бурулиш ясаган воқеа 1997-йилда амалга ошади. Маҳалий “Жаспер Юнайтед” жамоасидан Полшанинг “Полония” клуби сафига бориб қўшилади. Мавсум сўнггида чемпионлигини қўлга киритган футболчига Полша паспортини таклиф қилишади. Шундай қилиб Олисадабе Полша тарихидаги илк маҳалийлаштирган футболчи сифатида тарихга киради. Шу ўринда айтиб ўтиш жоиз, келиб чиқиши нигериялик бўлган футболчи Полша терма жамоасига наф келтира олади.Қаҳрамонимиз учун 2001-йил фаолиятидаги энг омадли йил бўлди десак, адашмаган бўламиз. Ўша йили “Панатинайкос” сафида олтин дубл қайт этган бўлса, Полша таркибида ЖЧ саралаш учрашувларида 8 та гол киритиб жамоани 16 йиллик танафусдан сўнг яна мундиалга олиб чиқади. Ўша йили Полшада йилнинг энг яхши футболчиси деб эътироф этилган Олисадебе “олтин тўп” учун курашда Руи Коста, Стивен Жеррард ва Роберто Баджоларни ортда қолдиригани билан барчанин ёдида қолган эди.
Траинос Деллас
Гретция терма жамоасининг 2004-йилдаги Европа чемпионлиги ҳақида ҳалигача кинофилмлар олинаётгани ҳеч кимга сир эмас. Бутун дунёни ҳайратда қолдирган юнонлар Португалияда бўлиб ўтган мусобақада шу қадар яхши иштирок этишдики, жамоанинг бир йўла икки футболчиси “олтин тўп” учун даъвогарларнинг якуний рўйхатидан ўрин эгаллашга муваффақ бўлди. Улардан бири жамоа тўпурару Ангелос Харистеас бўлса, иккинчиси марказий ҳимоячи ТрайниносДелас эди. ҚИзиқғи шундаки, ушбу ҳимоячи Римнинг “Рома” жамоасининг чуқур заҳирасидан ўрин эгаллаган бўлсада, сўровномада омадли иштирок этади. Мусобақа давомид деярли бирорта эпизодда кўзга ташланмаган ҳимоячи сўровнома якунларига кўра Зайниддин Зидан, Луиш Фигу, Криштияну Роналду ва Недведларни ортда қолдиришни уддалагани эътиборга молик.
Папа Диоп
2002-йил қитъамизда бўлиб ўтган мундиал кутиламган натижаларга керагидан ортиқ бой бўлга десак, адашмаган бўламиз. Мусобақанинг очилиш ўйини ҳам бундан мустасно эмас. Деярли ҳеч кимга таниш бўлмаган футболчилардан ташкил топган Сенегал терма жамоаси бутун мусобақа давомида чинакам шов-шув кўтаришни қойилмақом тарзда уддалагани мухлисларнинг ёдидан кўтарилмагани аниқ. Сенегал ЖЧдаги ўзининг илк учрашувидаёқ амалдаги чемпион Франция устидан ғалаба қозонган ва учрашувда ягона бўлган голни айнан Папа Диоп ҳисобига ёзилган эди. Таянч ярим ҳимоячиси бўлишига қарамай, мусобақани кўтаринки кафиятда ўтказган Папа Диоп йил сўнггида “олтин тўп” соврини учун даъвогарлар қаторидан жой олади. Энг қизиғишуданки, мусобақа кашфиёти деб таъриф берилган Элхожи Диуфдан ҳам кўпроқ овоз тўплашга муваффақ бўлади. Шунингдек қаҳрамонимиз Тотти, Раул, Жеррард сингари футболчиларни ҳам сўровномада ортда қолдирадию
