Италия чемпионатининг 18-тури доирасида «Рома» ўз майдонида «Торино»ни қабул қилиб, имкониятни бой берди.

Меҳмонлар бутун ўйин давомида тартибли ҳимояланишди ва қарши ҳужумда Белоттининг тезкорлигига таянишди. "Рома" рақиб дарвозаси томон 25та зарба берган бўлса, уларнинг 11таси дарвозага аниқ борди. Аммо Сиригу ўз дарвозаси дахлсизлигини сақлаб қолди.

Биринчи бўлим сўнгида Андреа Белотти ҳисобни очган бўлса, иккинчи бўлим тугашига 4 дақиқа қолганида белгиланган пенальтини унинг ўзи аниқ амалга ошириб, ҳисобдаги фарқни 2тага оширди.

Ушбу ғалабадан кейин "Торино" 24 очко билан 9-ўринга кўтарилган бўлса, "Рома" 35 очко билан 4-поғонада қолди.

Италия А серияси, 18-тур
Рома – Торино 0:2 (0:1, 0:1)
Голлар: 0:1 – 45 Белотти, 0:2 – 86, пенальти Белотти.
Рома – Лопес, Коларов, Смоллинг, Флоренци, Манчини, Пеллегрини, Диавара, Верету (Мхитарян, 63), Дзаньоло (Ундер, 87), Перотти (Калинич, 73), Джеко.
Торино – Сиригу, Айна (Лаксальт, 89), Иццо, Джиджи, де Сильвестри, Верди (Мейте, 69), Лукич, Беренгер (Адопо, 90), Ринкон, Нкулу, Белотти.
Огоҳлантиришлар: Иццо (15), Верди (20), Диавара (28), Верету (45), Коларов (55), Манчини (64), Флоренци (76).