Italiya chempionatining 18-turi doirasida «Roma» o‘z maydonida «Torino»ni qabul qilib, imkoniyatni boy berdi.

Mehmonlar butun o‘yin davomida tartibli himoyalanishdi va qarshi hujumda Belottining tezkorligiga tayanishdi. "Roma" raqib darvozasi tomon 25ta zarba bergan bo‘lsa, ularning 11tasi darvozaga aniq bordi. Ammo Sirigu o‘z darvozasi daxlsizligini saqlab qoldi.

Birinchi bo‘lim so‘ngida Andrea Belotti hisobni ochgan bo‘lsa, ikkinchi bo‘lim tugashiga 4 daqiqa qolganida belgilangan penaltini uning o‘zi aniq amalga oshirib, hisobdagi farqni 2taga oshirdi.

Ushbu g‘alabadan keyin "Torino" 24 ochko bilan 9-o‘ringa ko‘tarilgan bo‘lsa, "Roma" 35 ochko bilan 4-pog‘onada qoldi.

Italiya A seriyasi, 18-tur
Roma – Torino 0:2 (0:1, 0:1)
Gollar: 0:1 – 45 Belotti, 0:2 – 86, penalti Belotti.
Roma – Lopes, Kolarov, Smolling, Florensi, Manchini, Pellegrini, Diavara, Veretu (Mxitaryan, 63), Dzanyolo (Under, 87), Perotti (Kalinich, 73), Djeko.
Torino – Sirigu, Ayna (Laksalt, 89), Isso, Djidji, de Silvestri, Verdi (Meyte, 69), Lukich, Berenger (Adopo, 90), Rinkon, Nkulu, Belotti.
Ogohlantirishlar: Isso (15), Verdi (20), Diavara (28), Veretu (45), Kolarov (55), Manchini (64), Florensi (76).