Англия Лига Кубоги ярим финалидан ўрин олган "Манчестер Юнайтед" ва "Манчестер Сити" ўртасидаги биринчи ўйин якунланди.

"Олд Траффорд"даги ўйинда "МЮ"нинг ёш ва нисбатан тажрибасиз таркиби "шаҳарликлар" олдида ожиз қолди. Биринчи бўлимда меҳмонлар киритган учта голга иккинчи бўлимда Маркос Рэшфорд битта гол билан жавоб қайтарди.

"Манчестер Юнайтед" - "Манчестер Сити" 1:3

"Олд Траффорд"

Голлар: Бернарду Силва (17), Махрез (33), Перейра (38-автогол), Рэшфорд (70).

"Манчестер Юнайтед" - Де Хеа, ван Биссака, Жонс, Линдельоф, Уильямс, Фред, Перейра, Жеймс (Гомес, 64), Лингард (Матич, 46), Рэшфорд (с), Гринвуд (Марсьяль, 81).

"Манчестер Сити" - Браво, Уолкер, Отаменди, Фернандиньо (с), Менди, Родриго, Гундоган, Махрез (Фоден, 86), Де Брюйне (Жезус, 80), Бернарду Силва, Стерлинг.

Огоҳлантириш: Лингард (35), Фред (52), Родриго (63), Уильямс (73).

Ҳали "Манчестер Сити" майдонида кечадиган жавоб ўйини ҳам бор. Аммо бугунги ғалабадан кейин "шаҳарликлар" финал учун катта қадам ташлашди.