Италия чемпионатининг 19-тури доирасида «Интер» ўз уйида «Аталанта»ни қабул қилди.

Баҳснинг 3-дақиқасида Лукаку томонидан йўлланган зарба натижасида тўп устунга теккан бўлса, орадан 1 дақиқа ўтиб Ромелунинг узатмасидан кейин Мартинес яккамая-якка вазиятга чиқиб, дарвозани ишғол қилди.

Кейинги 70 дақиқа қизиқарли курашлар остида кечган бўлса-да, дарвозаларга тўп киритилмади. Ўйин тугашига 15 дақиқа қолганида меҳмонлар ҳужумчиси Госенс хавф йўқдек кўринган вазиятда "Интер" дарвозасини ишғол қилди.

Баҳснинг сўнгги 10 дақиқаси ўта қизиқарли кечди. Дастлаб "Аталанта" ҳужумчисининг зарбасидан сўнг тўп тўсиндан қайтган бўлса, орадан 2 дақиқа ўтиб Брозовичнинг кучли зарбасини Галлини қайтарди. Учрашувнинг 88-дақиқасида ҳакам "Интер" дарвозаси томон пенальти белгилади. Луис Муриэль томонидан йўлланган 11 метрли жарима зарбасини Самир Ханданович қайтарди.

Шу тариқа, қизғин кечган ўйинда жамоалар 1 очкодан қўлга киритишди.

"Ювентус" клуби бугун бўлиб ўтадиган "Рома"га қарши ўйинда ғалаба қозонса, биринчи даврани пешқадам сифатида якунлайди.

Италия А серияси, 19-тур
Интер – Аталанта 1:1 (1:0, 0:1)
Голлар: 1:0 – 4 Мартинес, 1:1 – 75 Госенс.
Интер – Ханданович, Бастони, де Врей, Годин, Бираги, Сенси (Валеро, 71), Кандрева, Гальярдини, Брозович, Лукаку, Мартинес (Политано, 80).
Аталанта – Голлини, Хатебур, Гимшити, Толои, Госенс (Кастань, 90), Гомес, Пашалич (Муриэль, 70), Иличич, де Рон, Паломино, Сапата (Малиновский, 53).
Огоҳлантиришлар: Хатебур (8), де Рон (24), Паломино (42), Сенси (65), Годин (83), Малиновский (89).