"Реал" ҳимоячиси Серхио Рамос Испания суперкубоги финали олдидан ўз фикрини билдириб ўтди. "Қироллик клуби" соврин учун "Атлетико"га қарши баҳс олиб боради.

"Футболдаги энг муҳим нарсалардан бири — ғалабалардан "тўйиб" қолмаслик. Жамоанинг меҳнатлари туфайли биз янги финалда ўйнаймиз. Биз хатоларга йўл қўймасдан жиддий ўйин кўрсатишимиз ва совринни қўлга киритишимиз керак.

"Атлетико" — биринчи рақамли душман? "Душман" сўзи спортга мос келмайди. Футболда бундай деб бўлмайди. "Атлетико" — асосий рақиб.

"Атлетико" — ноқулай рақиб. Уларнинг ажойиб мураббийи бор. Улар сўнгги сонияга қадар кураш олиб боришади. Бу эса уларга натижани қўлга киритиш учун умид беради", - деди Рамос "AS" нашрига берган интервьюсида.