Голландиянинг “ПСВ” клуби футболчиси Гастон Перейро жамоани тарк этиши мумкин.
Sporting International нашрининг тарқатган маълумотига қараганда, Англиянинг «Астон Вилла» клуби 24 ёшли ярим ҳимоячини қўлга киритиш устида иш олиб бормоқда.
Қайд этилишича, Перейрога MLSнинг «Цинциннати» клуби ҳам қизиқиш билдирмоқда, лекин футболчининг ўзи Европада қолиш ниятида.
Эслатиб ўтамиз, ўтган йили ёзда «Спартак» клуби уругвайлик футболчига қизиқиш билдирган, лекин трансфер амалга ошмай қолганди.