Москванинг «Динамо» клуби собиқ бош мураббийи Сергей Силкин РПЛда жамоалари сони 18 тага етиши ҳақидаги хабарларга ўз муносабатини билдирди.

- Бизнинг футбол учун 16 та жамоа кўплик қилади. Қачонки тенгкучли жамоалар ўзаро баҳс олиб боришсагина чемпионат савияси ошади. Ундан жамоалар қанчалик кўп ўзаро тез-тез ўйнашса шунча яхши. Биз 16 жамоа билан доим ҳам чемпионатни бир текисда якунлай олмаймиз, бу ерда эса жамоалар сонини 18 та қилишмоқчи. Шуни ёдда тутиш керакки, баъзи клублар шунчаки молиявий имкониятларга эга эмас, шунингдек, кўплаб клубларимиз чемпионат савиясига мос келмайди. Яна икки жамоа қўшилсачи? 18 та жамоа бизнинг чемпионат учун эмас. Фикримча, 10 та клубдан иборат тўртта даврали чемпионат ташкил қилинса кўпроқ фойдали бўларди деб ўйлайман. Чунки, бизнинг жамоаларнинг ЕЧЛ ва ЕЛдаги жамоалар билан солиштирадиган бўлсак, футболимиз анча орқада эканлигига гувох бўламиз. Биз ўйин тезлигида ҳам ортда қоляпмиз. Футболимиз анча секин. Нега шундай? Чунки жамоаларнинг ўзаро савияларида фарқ катта. Кучли жамоалар кучли жамоаларга қарши ўйнаши керак. Агар кучли жамоалар етарлича кучсиз жамоаларга қарши ўйнайверса, уларнинг ҳам савияси босқичма-босқич пастга қараб кетаверади», - Силкиннинг сўзларидан иқтибос келтирмоқда Rusfootball.info.