“Манчестер Юнайтед” клуби бош мураббийи Оле-Гуннар Сульшер жамоа ҳужумчиси Маркус Рэшфорднинг ҳолати ҳақида хабар берди.

Эслатиб ўтамиз, 22 ёшли футболчи “Вулверхэмптон”га қарши ўйинда жароҳат олган эди.

“Биз унга тикланиб олиш учун ҳар қанча вақт берамиз. Бугун Маркус бир нечта текширувлардан ўтади, лекин мен ҳеч нарса кутмаяпман.

Ўйлайманки, у “Ливерпуль”га қарши ўйингача тайёр бўлмайди, бироқ олдинда ҳали 48 соат бор, шунинг учун нима бўлишини кўрамиз”, дейди Сульшер.

Маълумот учун, “Ливерпуль” – “Манчестер Юнайтед” ўйини 19 январь куни бўлиб ўтади.