Дортмунднинг «Боруссия» клуби собиқ футболчиси Муҳаммад Зидан ўз вақтида Европанинг топ-клубларида ўйнаган даврларини эсга олди.
«Қачонлардир Клопп менга Муҳаммад Салоҳдан кучли эканлигимни айтган. Мен етарлича профессионал бўла олмаганимни яхши тушунаман. Мураббий менда юқори иқтидор борилигини айтган, бироқ менга концентрация етишмаган. Агар мураббий мендан талаб қилган вазифаларини бажарганимда, эҳтимол дунёнинг энг кучли футболчиларидан бири бўлармидим...
Мен режимга кўпроқ риоя қилишим ва кўпроқ машқ қилишим керак эди. Ўшанда мен Салоҳга яқин келган бўлардим. Салоҳ менга қараганда кўпроқ футболга содиқ эди. У ўз ишига кўпроқ профессионалларча ёндошди», — деди Муҳаммад Зидан.
