Лондоннинг “Тоттенхэм” клуби бош мураббийи Жозе Моуриньо“Интер” клубига ўтишга яқин турган Кристиан Эриксен ҳақида фикр билдирди.
«Эриксеннинг келажаги ҳақидаги янгиликлар менга номаълум. Унинг ўз агенти бор. Шунингдек, Сиз “Интер” вакилларидан Кристианнинг трансфери ҳақида сўрашингиз мумкин. “Интер” Эриксенни қўлга киритишига ишонаётгани шундаки, улар трансфер борасида расмий сўровнома юборган.
Одамлар ушбу вазиятни муҳокама қилишдан бошқа нарса топа олишмаётганига ҳайрон қоламан. Аммо, Эриксен ўйинларга қандай муносабат билдираётганига эътибор бердим. У “Тоттенхэм” футболчиси экан, уни асосий таркибда майдонга туширишда давом этаман, — деди Жозе Моуриньо.