Таиландда 23 ёшгача футболчилар ўртасида Осиё чемпионати ўтказилмоқда. Мусобақада иштирок этаётган Ўзбекистон олимпия терма жамоаси чорак финалда БААни йирик 5:1 ҳисобида таслим этди.
Мазкур учрашувдан сўнг ҳар икки жамоа бош мураббийлари ўртасида матбуот анжумани ўтказилди. Унда рақиб жамоа устози Скорза қуйидаги фикрларни билдирди:
– Биз яхши старт олдик. Кейин эса битта хатодан кейин ўйинимиз сочилди. Ўзбекистон эса ўзини қўлга олди. ВАР пеналти қўйиши ҳам таъсир қилди. Пенальти бермаса ҳам бўларди назаримда. Бизда шунингдек Иордания билан ўйиндан кейинги чарчоқ сезилди.
Балки менинг хатоим кўпроқ заҳира ўйинчиларини туширмаганим бўлди. Улар кучга тўла эди. Ўзбекистон ўйин ташкилотчилигида ҳам устунлик қилди.
Бизда майдон марказида фаоллик етишмади. Рақиб эса аксинча майдон марказида актив бўлди. Ўзгаришларни шунга амалга оширдим.
