Tailandda 23 yoshgacha futbolchilar o‘rtasida Osiyo chempionati o‘tkazilmoqda. Musobaqada ishtirok etayotgan O‘zbekiston olimpiya terma jamoasi chorak finalda BAAni yirik 5:1 hisobida taslim etdi. 

Mazkur uchrashuvdan so‘ng  har ikki jamoa bosh murabbiylari o‘rtasida matbuot anjumani o‘tkazildi. Unda raqib jamoa ustozi Skorza quyidagi fikrlarni bildirdi:

– Biz yaxshi start oldik. Keyin esa bitta xatodan keyin o‘yinimiz sochildi. O‘zbekiston esa o‘zini qo‘lga oldi. VAR penalti qo‘yishi ham ta’sir qildi. Penalti bermasa ham bo‘lardi nazarimda. Bizda shuningdek Iordaniya bilan o‘yindan keyingi charchoq sezildi.

Balki mening xatoim ko‘proq zahira o‘yinchilarini tushirmaganim bo‘ldi. Ular kuchga to‘la edi. O‘zbekiston o‘yin tashkilotchiligida ham ustunlik qildi.

Bizda maydon markazida faollik yetishmadi. Raqib esa aksincha maydon markazida aktiv bo‘ldi. O‘zgarishlarni shunga amalga oshirdim.