“Манчестер Юнайтед” “Олд Траффорд”га собиқ ҳужумчиси Карлос Тевесни қайтаришга тайёр. Бу ҳақда Football Italia нашри хабар бермоқда.

Манбанинг хабарига кўра,“МЮ” Тевесга қисқа муддатли шартнома таклиф қилмоқчи. “Юнайтед” мухлислари Тевесни қайтишига қаршилик қилмоқда, сабаби уни сотқин деб ҳисоблашмоқда.

Эслатиб ўтамиз, Тевес “МЮ”ни тарк этгач, “Сити”га ўтган. Қолаверса, кейинчалик ҳужумчи Сэр Алексни ҳам танқид қилган эди.

Маълумот учун, айни дамда 35 ёшли Карлос “Бока Хуниорс” шарафини ҳимоя қилмоқда.