Англиянинг «Вулверхэмптон» клуби ҳужумчиси Адама Траоре уни «Барселона» билан қандай хайрлашишга мажбур қилишганини эслади.

«Менинг 10 йиллик фаолиятим «Барселона»да ўтди ва ҳозирги пайтда ўша дамларни тез-тез эслаб тураман. Менинг кетишим Неймар келиши биланоқ содир бўлди. Фаолиятимни давом эттириш ва ривожланишни ҳис қилдим, шу сабабли каталонияликларнинг таркибини тарк этишга қарор қилдим. Қолаверса, клуб раҳбарияти билан келишмовчиликларга дуч келдик. Бўлиб ўтган барча воқеаларга шарҳ бериб, барча нарсаларни ташқарига олиб чиқиш ниятида эмасман. Қабул қилган қароримдан умуман афсусланмайман.

Айни пайтда Англия чемпионатининг юлдузларидан бири бўлишга бўлган иштиёқим юқори. Шундан кейингина Испания қайтиш вариантини кўриб чиқаман. Мен «Барселона»дагилардан хафа эмасман. Агар менга «Реал» ёки «Барса»дан қўнғироқ қилишса, ўйлаб ўтирмасдан Испанияга қайтган бўлардим», — деди Адама Траоре.