«Зенит» клубининг бразилиялик футболчиси Малком жамоанинг мавсумолди ўқув-йиғин машғулотларини собиқ жамоаси – «Барселона» клуби машғулотлари билан солиштирди.
«Умуман олганда барча клублар мавсумга бир хил тайёргарлик кўришади.Албатта, айримги деталларда фарқ бўлади.«Барселона»да кўпроқ тўп билан ишлашади, “Зенит”да эса кўпроқ югурамиз. Умумий қилиб гапирганда, “Барселона” ва “Зенит” клубларининг машғулотларида ўхшашлик тарафлари бор», - деди Малком «Зенит» клуби матбуот хизматига берган интервьюсида.
Шунингдек, 22 ёшли ярим ҳимо Артем Дзюбага ҳазиломуз фикр билдирди.
«Тўғрисини айтганда, у нима деяётганини тушунмайман. Аммо, атрофдаги бошқа йигитларнинг реакциясидан бу ҳазил эканлигини тушунишингиз мумкин. Мен ҳазилкаш инсонман ва унинг қилиқларидан албатта кулишни бошлайман. Жамоада бундай муҳитни ярата оладиган Дзюбадек футболчи бўлиши муҳим албатта», - деди Малком.