Туриннинг "Ювентус" клуби ярим ҳимоячиси Родриго Бентанкур жамоанинг асосий футболчисига айланиш ниятида эканлигини яширмади.
"Ўзимни жуда яхши ҳис қиляпман ва менинг мақсадим – жамоанинг асосий футболчисига айланиш. Биламан "Ювентус"нинг ҳар бир позициясида рақобат кучли. Агар мен асосий таркибдан ўйнасам ўзимни бахтли ҳис қиламан. Агар асосий таркибдан мендан кучли жамоадошим ўйнаса, у ҳолда у учун хурсанд бўламан", - Бентанкурнинг сўзларидан иқтибос келтирмоқда Football Italia.