Лондоннинг “Тоттенхэм” клуби ярим ҳимоячиси Кристиан Эриксен фаолиятини А Серияда давом эттиради.
Трансфер ҳозирча тўлалигича амалга ошмади, лекин Кристиан Эриксен фаолиятини “Интер”да давом эттиришга ҳеч қандай шубҳа қолмаганлигини The Telegraph хабар қилмоқда.
“Тоттенхэм” ўз футболчиси учун “Интер” клубидан 20 миллион евро олади, шунингдек, ушбу трансферга яна бир қанча бонуслар ҳам киритилади.
“Интер”"шпорлар" томонидан расмий хабар кутмоқда ва ушбу трансферни ёпишни режалаштирмоқда. Даниялик футболчи душанба куни “Интер” клуби учун тиббий кўрикдан ўтиши кутилмоқда.