Лондоннинг «Челси» клуби бош мураббийи Фрэнк Лэмпард қишки трансфер бозорида таркибга ҳужумчи олиб келиш ниятида эканлигини айтиб ўтди.
- Таркибимизга ҳужумчи сотиб олиш ниятидамиз. Сўнгги учрашувларда шу муаммолар яққол кўзга ташланиб қолди. Ҳар бир учрашувда 20га яқин вазиятларни содир қиляпмиз, бироқ, якунда гол кирита олмаяпмиз. Жиру? Ҳаммаси аввалгидек. У билан музокара олиб боришди, лекин у ҳали бизнинг футболчимиз ҳисобланади. Бизда танлаш имконияти бор. Янги футболчилар билан шартнома тузиш январ ойи қулай ой ҳисобланмайди. Асосийси тўғри танлов қилиш керак. Мен бу ҳақда ўйлаётганимни клубдагилар яхши тушуниб туришибди, —Лэмпарднинг сўзларидан иқтибос келтирмоқда Goal.