Туриннинг «Ювентус» клуби ҳужумчиси Пауло Дибала ўтган йили ёзда жамоадан кетишга яқин келганини тан олди.
— Жамоадан кетишга жуда яқин келгандим. Клуб бу вариант ҳақида ўйлаганди. Сўнгги дақиқагача кутгандик. Жамоа билан икки йиллик шартномам қолди. Бу оз муддат эмас, лекин кўп ҳам деб бўлмайди. Кўрамиз, клубдагиларнинг режалари қандай экан. Бу уларнинг қарори бўлиши керак. Нимадир дейиш қийин, чунки барчаси сониялар ичида алмашиб кетиши мумкин. Бу ерда менга яхши муносабатда бўлишмоқда ва мен бундан бахтлиман. Сарри мени жамоада қолишимни хоҳлади. У менга кўп нарсалар ўргатишини билгандим, — деди Дибала The Guardian нашрига берган интервьюсида.