Москванинг “Динамо” клуби Александр Кокорин билан бирга тўп сурган Андрей Воронин собиқ жамоадошининг атрофидаги гап-сўзларга ўз муносабатини билдирди.

— Футбол нуқтаъи назаридан қараганда, "Сочи" клуби Саша учун ёмон вариант эмас, —Ворониннинг сўзларидан иқтибос келтирмоқда "СЭ". — маълум сабабларга кўра у кўплаб учрашувларда майдонга тушмади, плюс унинг жароҳати ҳам бор эди. У ўз спорт формасига кириб олиши учун мунтазам равишда ўйнаши керак. "Сочи" уни мунтазам майдонга туширишни 100 фоиз кафолатмламоқда. Ёзда Европа чемпионати бўлиб ўтишини тушуниш керак. Агар ҳозир Дик Адвокатдан конкрет таклиф бўлса, бу Кокорин учун ажойиб имконият! Голландияга кетиб, барчасини бошидан бошлаши керак. Голландия ажойиб чемпионат, у ерга ҳар бир турда скаутлар ташриф буюради. У ердан Испания, Англия ва Италияларга йўл олиш осон. "Фейеноорд" варианти "Сочи"никидан кўра анча қизиқарли. Шунингдек, "Зенит"ни роттердамликлардан кучли деб ҳисобламайман. Питерликлар ЕЧЛдаги сўнгги учрашувни қандай ўтказишди?