Италия кубогининг ярим финал босқичининг учинчи жамоаси аниқ бўлди. «Милан» чорак финални ўз майдонида «Торино»ни қабул қилиб, қийин ғалабага эришди.

Миланликлар биринчи бўлиб ҳисобни очишганига қарамай, кейинчалик иккита тўп ўтказиб юборишди. Фақатгина иккинчи бўлимга қўшиб берилган дақиқаларда Чолҳонўғлу ҳисобни тенглаштириб, ўйинни қўшимча бўлимларга кўчирди.

Қўшимча бўлимларнинг иккинчи бошланиши билан Ҳоқоннинг ўзи "россонери"нинг учинчи голини урган бўлса, орадан 2 дақиқа ўтиб Ибраҳимович "Торино" дарвозасини ишғол қилди.

Натижада "Милан" Италия кубоги ярим финалига чиқди. Бу босқичда жамоа "Ювентус" билан тўқнаш келади.

Италия кубоги, чорак финал
Милан – Торино 4:2 (1:1, 1:1, 0:0)
Голлар: 1:0 – 12 Бонавентура, 1:1 – 34 Бремер, 1:2 – 71 Бремер, 2:2 – 90+1 Чалханоглу, 3:2 – 106 Чалханоглу, 4:2 – 108 Ибраҳимович.
Милан – Доннарумма, Конти, Тео, Кьер, Романьоли, Кастильехо, Бонавентура (Рафаэл Леау, 76), Беннасер, Крунич (Чалханоглу, 82), Ребич (Кессиэ, 105), Пионтек (Ибраҳимович, 65).
Торино – Сиригу, де Сильвестри (Лаксальт, 112), Иццо, Нкулу, Айна, Верди, Лукич, Беренгер (Миллико, 90), Ринкон (Войнович, 112), Бремер (Жижи, 82), Белотти.
Огоҳлантиришлар: Ринкон (22), Тео (30), Ребич (37), Иццо (37), Кьер (53), Крунич (74), Конти (93), Ибраҳимович (111).