Испания кубоги мусобақасида нимчорак финал босқичи якунига етиб, чорак финалга чиққан 8та жамоанинг номи аниқ бўлди. Чорак финал қуръаси ҳақида маълумотларни эътиборингизга ҳавола қиламиз.

Жамоалар
Чорак финалга қуйидаги жамоалар чиқишди: "Атлетик", "Гранада", "Реал Мадрид", "Реал Сосьедад", "Валенсия", "Вильярреал", "Барселона", "Мирандес".

Қачон?
Қуръа ташлаш маросими 31 январь куни Тошкент вақти билан 17:00да Испания футбол федерацияси қароргоҳида бўлиб ўтади.

Формат
Чорак финал босқичи фақат битта ўйиндан иборат бўлади. Жамоалар саватчаларга ажратилмайди. Ҳар қандай жамоа исталган клубга тўқнаш келиши мумкин. Регламентга кўра, қуйи дивизион вакили бу босқични ўз уйида ўтказади. Демак, фақат "Мирандес"га ўз майдонида ўйнаш кафолатланган. Қолган жуфтликларда мезбон жамоа номини қуръа аниқлаб беради.

Тақвим
Учрашувлар 5-6 февраль кунлари ўтказилади. 7 февраль куни эса ярим финалга қуръа ташланади. Ярим финал босқичи 2та ўйиндан иборат бўлади. Ярим финал ўйинлари 12 февраль ва 4 март кунлари ўтказилади. Финал учрашуви 18 апрель кунига белгиланган.