Мюнхеннинг «Бавария» клуби ҳужумчиси Роберт Левандовский Бундеслиганинг 20-турида “Майнц” клуби дарвозасини ишғол этиб, Бундеслиганинг 53 йиллик рекордини янгилади.

31 ёшли футболчи жорий мавсумдаги 22-голини киритишга муваффақ бўлди.

Шу тариқа, польшалик ҳужумчи 1967 йили Герд Мюллер томонидан ўрнатилган рекордни янгилади. Ўша йили Мюллер 20 та учрашувда 22 та гол киритишга муваффақ бўлганди ва натижани 1972/73 йилги мавсумда ҳам такрорлаганди дея хабар бермоқда «Бавария» матбуот хизмати.

Бундан ташқари, Левандовский “Бавария” таркибидаги 150-голини ҳам қўлга киритди. Бундеслигада бундай натижани фақатгина саккиз нафар футболчи қайд эта олган.