Қишки трансфер ойнасини ёпилганидан хабарингиз бор. Жамоалар ўтган йилгига қараганда, анча камроқ пул сарф қилишган бўлсада, бир нечта “катта” трансферлар ҳам амалга ошди. Бугун ортда қолган ой давомида энг қиммат трансферга айланган футболчилар рўйхати билан таништириб ўтамиз.
Кшиштоф Пёнтек
Полшалик футболчи бир нечта грандалар таклифига қарамай, камтарин “Герта” жамоасини танлади. Немислар ҳужумчи учун 27 миллион евро сарф этиб ўз рекордалрини ўрнатишга муваффақ бўлишди. “Милан” эса, полякнинг трансферидан 11 миллион евро зарар кўрди. Гап шундаки, “россонери”лар ҳужумчи учун бир мавсум илгари 38 миллион тўлашган эди.
Стивен Бергвейн
Ўзининг илк учрашувидаёқ гол киритишни уддалаган голландиялик футболчи учун “Шпорлар” 30 миллионнинг бахридан ўтишди. Томонлар ўртасидаги шартнома 2025 йилга қадар амал қилади. Энг қизиғИ шундаки, Стивен “Аякс” тарбияланувчиси ҳисобланади. ПСВфутболчини атиги 120 минг евро эвазига сотиб олган эди.
Рейнар
Бразилиялик тинейджер учун “Реал Мадрид” “Фламенго”дан 30 миллионни аяб ўтирмади. Зидан қайсидир маънода “қаймоқранглилар”нинг келажак моделини қуришни бошлаб юборди. 18 ёшли футболчи билан “қироллик клуби” 6 йиллик шартномага имзо чеккан бўлиб, бу Испанияда қишда амалга оширилган энг қиммат трансферга айланди.
Деян Кулисевский
Турин супе клуби ҳам иқтидорли футболчиларни жамоага йиғишда давом этмоқда. Қишда клуб 19 ёшли шведни “Атланта”дан 35 миллион евро эвазига харид қилди. Футболчи мавсумни “Парма”да ўз якунига етказади ва ёзда тўлиқлигича Туринга кўчиб ўтади. ҚизиғИ шундаки, ўз вақтида “Аталанта” Деянни қўлга киритиш учун атиги 165 минг евро сарф этган холос.
Бруно Фернандеш
“Қизил иблислар” ортда қолган трансфер ойнасидаги энг қиммат футболчини узоқ давом этган музокарлардан сўнг таркибга қўшиб олди. 25 ёшли Португал жамоанинг ярим ҳимоядаги ўйинини кучайтириши таҳмин қилинмоқда.
