«Барселона» ярим ҳимоячиси Иван Ракитич тан олиб айтишича, у Эрнесто Вальверде пайтида жамоадан кетиш ҳақида ўйлай бошлаган эди.
«Январь ойида жамоада кетишни кўзлагандим. Вальверде штабининг менга нисбатан муносабати яхши эмасди. Бу ёмон давр бўлди, аммо ҳозир барчаси ортда қолди. Очиғини айтишим керак, менга ёқмайдиган жиҳатлар бўлди», — деди Ракитич "Marca" нашрига берган интервьюсида.
Эслатиб ўтамиз, Вальверде 13 январь куни «Барселона»дан истеъфога чиқарилди. Унинг ўрнига Кике Сетьен тайинланди.
31 ёшли Ракитич 2014 йилнинг ёзида «Севилья»дан «Барселона»га ўтган эди. Шундан бери у каталонияликлар сафида барча мусобақалар доирасида 292та ўйинда майдонга тушиб, 34та гол урди ва 40та голга узатма берди.