Тўртинчи ўринни эгаллаб турган "Монпелье" устидан 5:0 ҳисобидаги ғалаба ва пешқадамлик. Бундай натижани бузиш мумкинми? Жуда қийин, аммо ПСЖ амалга оширди: Мбаппе захирага олингани учун эътироз билдирди ва Неймар ҳакамга пўписа қилгани учун дисквалификация қилиниши мумкин.

Учрашувдан сўнг Неймар трибуна ортидаги ҳакамга бақирди.

Неймар – Вераттига: "Мен футбол ўйнайман ва улар менга сариқ карточка кўрсатишади. Айт уларга, менга сариқ картани кўрсатолмайдилар!"

Захира ҳаками: "Тинчланинг!"

Неймар: «Тинчланайми? Ҳеч қачон!"

38-дақиқада Неймар сариқ карточка олди. Аммо у буни адолатсизлик деб ҳисоблади, чунки бундан олдин "Монпелье" футболчилари унга бир неча марта қўполлик қилишганди.

Бунга жавобан у нафратини ошкор қилди ва рақибининг устидан кулди.

Бош ҳакам Жером Брисар Неймар рақибларига бўлган ғазабини намойишкорона кўрсатаётганини сезиб, вазиятга аралашишга қарор қилди. У “ПСЖ” юлдузидан тинчланишни ва вазиятни қизитмасликни сўради. Неймар ғазабланди ва ҳакам билан тортишгани учун сариқ олди (протоколда қайд этилганидек, тортишгани учун).

Ушбу баҳсда Неймар майдонда қолган барча футболчиларга қараганда кўпроқ аниқ зарбаларни амалга оширди: 10 қарши 9. Тўғри, 8 та ўйинда биринчи марта у гол ура олмади (бунгача 7 та ўйинда 9 та гол).

Энди ҳакам билан баҳслашгани, қўпол суҳбати учун Неймар бир нечта ўйинларга дисквалификация қилиниши мумкин.