Португалия миллий терма жамоаси устози Роберто Мартинес 41 ёшли марказий ҳужумчи Криштиану Роналдунинг меҳнатсеварлик даражасини юқори баҳолади.
"Криштиану — бизнинг сардоримиз. У бутун жамоа учун намунадир. Роналду ўзини тўлиқ ишга бағишлайди ва терма жамоага ёрдам беришни истайди. У кундан-кунга яхшиланиб боришни хоҳлайди. Терма жамоадан кетадими? Биз ҳозир бу ҳақда ўйламаяпмиз. Хаёлимиздаги барча фикрлар мундиал билан банд", — дея бош мураббийнинг сўзларини келтиради ESPN.
Жаҳон чемпионати – 2026 мусобақаси 11 июндан 19 июлгача АҚШ, Канада ва Мексикада бўлиб ўтади. Португалия терма жамоаси турнирнинг гуруҳ босқичида Колумбия, Ўзбекистон ва Конго ДР жамоаларига қарши майдонга тушади.
