"Атлетико" ҳимоячиси Киран Триппьер тиззасидан олган жароҳати туфайли операция қилинди.
Бу ҳақда Omnisport нашри хабар бермоқда.
Хабар қилинишича, операция муваффақиятли ўтди ва ўйинчи тикланиш жараёнини бошлаб юборди.
Унинг қайтиши учун бир ой вақт керак бўлиши тахмин қилинмоқда.
Бу унинг 18 феврал куни бўлиб ўтадиган "Ливерпуль"га қарши 1/8 финалдаги дастлабки ўйинини ўтказиб юборишини англатади.
Maълумот учун, 29 ёшли инглиз футболчиси жорий мавсум "Атлетико" сафида 22 учрашув ўтказди ва 4 та голли узатма амалга оширди.
