"Барселона" бош мураббийи Кике Сетьен жамоа сардори Лионель Месси ва клуб спорт директори Эрик Абидаль ўртасида юзага келган можаро юзасидан ўз фикрини билдириб ўтди.
"Шубҳасиз, бу муҳим нарсалар, аммо улар менга асло боғлиқ эмас. Бу нарсалар ўйинчиларга имкон қадар камроқ таъсир қилиши учун қўлимдан келган барча ишни қилмоқчиман. Биз ушбу вазиятни икки дақиқа муҳокама қилдик. Биз фақат ўйин ҳақида ўйлашимиз керак. Шу боис, мен билан фақат футбол ҳақида гаплашинг. Қолгани мени қизиқтирмайди, чунки улар менга ёрдам бермайди", - деди Сетьен "AS" нашрига берган интервьюсида.
Эслатиб ўтамиз, Абидаль "Барселона" футболчиларини Эрнесто Вальверденинг машғулотларида тўла куч билан ишламаганликда айблаган эди. Месси эса Абидалдан машғулотда яхши ишламаган футболчиларнинг аниқ исмини айтишни талаб қилди.