"Барселона" инсайдлари Ла Масиядан озгина ташқарига чиқиши билан уёғини шов-шув овлаб юрувчилар илиб кетишди. Муаммо ростдан ҳам бор. МуаммоЛАР.

Биринчидан, Пике клуб Президенти Бартомеу билан келиша олмаяпти. Сабаб, Пике ўз бизнеси бўлмиш продакшн компаниясига кўп вақт ажратмоқда. Бартoмеуга бу ёқмаяпти.

Иккинчидан, Мессига ҳам бу конфликт ёқмаган ҳолда Пике билан ўртада муносабат сал совуқлашди.

Учинчидан, спорт директори Эрик Абидаль жамоадан кетган Вальверде ортидан салбий мазмундаги фикр билдирди, жавобгарликни эса футболчиларга тўнкади. Месси инстаграм орқали Абидальни уришиб берди. Бу вазиятда Лео тўғри позицияда, фикримча. Кетиб бўлган клуб ишчиси, бунинг устига бир неча титул ютган Вальверде кўпроқ ҳурматга лойиқ.

Юқоридагилар ҳаммаси бор гап. Лекин, “Ла Газзетта делло Спорт” нашрининг Месси жамоадан кетиши борасидаги гапи журналист фантазиясидан бошқа нарса эмас.

Лионель Месси нега жон куйдиряпти деб ўйлайсиз? Чунки унинг майдондаги ва ундан кейинги фаолияти "Барселона" ва фақат "Барселона" билан боғлиқ.

Мабодо қачондир кетса, ҳатто бутсани михга илгандан кейин ҳам, билингки ўша даврнинг клуб бошқарувчилари тарихдаги энг расво раҳбарлар бўлади.

Даврон Файзиев.