Испания кубоги мусобақасида чорак финал босқичи якунига етиб, ярим финалга чиққан 4та жамоанинг номи аниқ бўлди. Ярим финал қуръаси ҳақида маълумотларни эътиборингизга ҳавола қиламиз.

Жамоалар
Чорак финалга қуйидаги жамоалар чиқишди: "Гранада", "Реал Сосьедад", "Мирандес", "Атлетик".

Қачон?
Қуръа ташлаш маросими 7 февраль куни Тошкент вақти билан 17:00да Испания футбол федерацияси қароргоҳида бўлиб ўтади.

Формат
Ярим финал босқичи иккита ўйиндан иборат бўлади. Жамоалар саватчаларга ажратилмайди. "Кўр-кўрона" принципи асосида ўтказиладиган қуръада ҳар қандай жамоа исталган клубга тўқнаш келиши мумкин. Номи биринчи тортилган жамоа дастлабки ўйинни ўз уйида ўтказади.

Тақвим
Ярим финал ўйинлари 12/13 февраль ва 4/5 март кунлари ўтказилади. Финал учрашуви 18 апрель куни Севилья шаҳридаги "Олимпия" стадионида бўлиб ўтади.